東張西望何伯丨新何太直播大罵何伯30分鐘 不滿丈夫透露行蹤:我忍受唔到你
撰文: TOPick柴犬出動
發布時間: 2024/08/17 12:12
最後更新: 2024/08/18 12:16
▲ 「新何太」在直播時猛鬧何伯。
因為上TVB《東張西望》而成名的何伯及「新何太」近日又再新聞多多,上周五房署向何伯夫婦發信,要求何伯搬離「新何太」所屬公屋,否則會再發出搬遷通知書。
之後,何伯夫婦搬到酒店住,但被網民投訴而遭酒店趕走,夫婦二人轉陣地北上到深圳的酒店住。
東張西望何伯|新何太突然賣口乖讚房署職員公道 認想離開何伯:但我老公愛我
![](https://static04.hket.com/res/v3/image/content/3810000/3811067/TVB_202408117_21111_1bB111_600.jpg)
![](https://static04.hket.com/res/v3/image/content/3810000/3811067/CITY20240817_004_600.png)
![](https://static04.hket.com/res/v3/image/content/3810000/3811067/CITY20240817_001_600.png)
![](https://static04.hket.com/res/v3/image/content/3810000/3811067/CITY20240817_0061_600.jpg)
![](https://static04.hket.com/res/v3/image/content/3810000/3811067/CITY20240817_003_600.png)
![](https://static04.hket.com/res/v3/image/content/3810000/3811067/CITY20240817_0041_600.jpg)
![](https://static04.hket.com/res/v3/image/content/3810000/3811067/CITY20240817_002_600.png)
![](https://static04.hket.com/res/v3/image/content/3810000/3811067/TVB_202408117___2b_A211A111A_600.jpg)
東張西望何伯丨怪責何伯洩露行蹤
一直熱衷開直播的何伯夫婦在昨日(8月16日)再在網上開播,該時間長達1小時55分鐘,但當中約半個小時是「新何太」狂鬧何伯。當中她怪丈夫暴露行蹤,稱:「你係咪又想我鬧呢?你又暴露咗自己喺邊?」被罵的何伯無奈稱:「唔係!」結果令「新何太」更火滾稱:「你唔係?」
可是何伯仍未醒目,「好衰唔衰」地回應:「人哋(網民)打晒啲字幕出嚟。」於是「新何太」罵道:「人哋打晒出嚟就要爆,你係咪想瞓街?」何伯著急稱:「唔係呀!老婆。」
「新何太」續說:「點解你咁樣講得就講,咁都忍唔住。由頭到尾發生啲咩我都知,(網民)打咩出嚟,你就回答,我即刻用個手踭話你唔知,你仲喺度否認?」然後她向何伯說:「你出街瞓,唔好再跟住我。你咁樣爆自己行蹤,激到我幾嬲,係咪想我同你離婚?」何伯求饒稱:「梗係唔係!」「新何太」表示:「唔係你就同我解決問題,唔好成日製造問題,我忍夠你啦!我受夠啦!」何伯無奈地稱:「我都話唔坐喺呢度。」
最新影片推介:
東張西望何伯丨新何太毒罵丈夫
然後「新何太」繼續大罵:「我唔望你解決問題,你仲喺度製造問題。一日到黑就係呢樣嘢同你嘈,你都仲未生性。人哋搵你係黑粉,點解你要幫黑粉,透露我哋嘅行蹤。你咁樣即係點?點解你要仲黑粉嘅計謀。」何伯解釋表示:「我想同你講啱啱入咗𨋢,有個人揸電話時我都提醒你。」
接著「新何太」稱:「你再咁樣同我出街瞓,我忍受唔到你。黑粉就想睇住我同你互相殘殺,你果然每一下都中人哋計,你仲細個,你係3歲呀!你就嚟80歲啦,都係咁死蠢。你以前點搵食,你係食屎㗎!」期間何伯更害怕得一度用手遮面。
她更抱怨稱:「下下害我,你呢啲人唔教育唔掂,你呢啲蠢人無法同我一齊㗎,明白冇!你唔幫我解決問題,仲成日製造問題,我忍夠你喇!我受夠喇!」此外,新何太指何伯亡妻生前醒目過何伯很多,還諷刺說:「點解你生個仔咁叻當差,你就咁蠢,我下午已經同你講,你啲仔一定似佢阿媽,如果似你唔會做到升官發財。」
「新何太」以「打仗」作比喻斥責何伯若然上場打仗,必定好快「走」。但突然「新何太」稱有人撳鐘敲門結束直播,但她之後沒交代誰上門,有網民猜或是有人投訴因此惹來公安上門。
HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5